ສອງປະເທດເກົາຫຼີ ກັບຄືນສູ່ການເຈລະຈາລະດັບສູງ ໃນຂະນະທີ່ທ່ານມູນ ກົດດັນໃຫ້ມີການຍົກເລີກການລົງໂທດ
ໃນການເຈລະຈາ ພາຍໃນເກົາຫຼີ ຄັ້ງທີ 5 ທີ່ຈັດຂຶ້ນ ໃນບ້ານສັນຕິພາບປັນມຸນຈອມ, 15 ຕຸລາ 2018, ລັດຖະມົນຕີທ້ອນ ໂຮມເກົາຫຼີ ທ່ານ ໂຈ ມີອູນ-ກີອອນ, ຂວາ, ກັບທ່ານ ຣີ ຊັນ ກວັນ ປະທານຂອງຄະນະກຳມະການທ້ອນໂຮມເພື່ອສັນ ຕິພາບຂອງເກົາຫຼີເໜືອ
ເກົາຫຼີເໜືອແລະເກົາຫຼີໃຕ້ ໄດ້ຈັດກອງປະຊຸມເຈລະຈາລະດັບສູງ ພາຍໃນເຂດປອດທະຫານທີ່ມີການຮັກສາຄວາມປອດໄພຢ່າງຮັດແໜ້ນ ໃນວັນຈັນມື້ນີ້.
ກອງປະຊຸມດັ່ງກ່າວ ໄດ້ປຶກສາຫາລືກັນ ເລື້ອງການປະຕິບັດຂໍ້ຕົກລົງຕ່າງໆທີ່ໄດ້ມີຂຶ້ນຢູ່ໃນກອງປະຊຸມສຸດຍອດໃນພຽງຢາງ ເວລາປະທານາທິບໍດີມູນ ແຈ ອິນ ແຫ່ງເກົາຫຼີໃຕ້ ໄດ້ຮຽກຮ້ອງໃຫ້ປະຊາຄົມນາໆຊາດ ໃຫ້ລາງວັນແກ່ຜູ້ນຳເກົາຫຼີເໜືອ ທ່ານກິມ ຈົງ ອຶນໃນຄວາມພະຍາຍາມຂອງທ່ານ ທີ່ຈະປົດອາວຸດນິວເຄລຍນັ້ນ. ເຖິງແມ່ນວ່າ ຈະໄດ້ມີ
ການເນັ້ນຢໍ້າຂອງທ່ານມູນໃນເລື້ອງລາງວັນດັ່ງກ່າວກໍຕາມ ແຕ່ ພວກນັກຊ່ຽວຊານກໍຍັງມີຄວາມລະມັດລະວັງຢູ່ ວ່າການປົດອາວຸດນິວເຄລຍນັ້ນ ມີແທ້ຈິງ ຫຼືບໍ່.
ລັດຖະມົນຕີທ້ອນໂຮມເກົາຫຼີ ທ່ານ ໂຈ ມີອູນ-ກີອອນ ໃນກອງປະຊຸມລະດັບສູງ ຄັ້ງທີ 5 ຂອງກອງປະຊຸມພາຍໃນເກົາຫຼີ ເພື່ອການປັບປຸງຂອງການປະກາດງານຮ່ວມ ຂອງພຽງຢາງ, 15 ຕຸລາ 2018.
ລັດຖະມົນຕີທ້ອນໂຮມເກົາຫຼີ ທ່ານ ໂຈ ມີອູນ-ກີອອນ ໄດ້ນຳພາບັນດາຜູ້ຕາງໜ້າຂອງເກົາຫຼີໃຕ້ 5 ທ່ານ ໄປຍັງໝູ່ບ້ານປັນມຸນຈອມ. ຄະນະເກົາຫຼີໃຕ້ໄດ້ຮັບການຕ້ອນຮັບໂດຍທ່ານ ຣີ ຊັນ ກວັນ ປະທານຂອງຄະນະກຳມະການທ້ອນໂຮມເພື່ອສັນຕິພາບຂອງປະເທດ,ຜູ້ຊຶ່ງນຳພາຝ່າຍເກົາຫຼີເໜືອ.
ບັນດາຜູ້ນຳຂອງເກົາຫຼີເໜືອແລະເກົາຫຼີໃຕ້ ໄດ້ຕົກລົງໃນເດືອນກັນຍາຜ່ານມານີ້ໃນກອງປະຊຸມສຸດຍອດຄັ້ງທີ 3 ເພື່ອສົ່ງເສີມການຮ່ວມມືກັນຂ້າມຊາຍແດນແລະສະໜັບສະໜຸນສົ່ງເສີມໂຄງການຕ່າງໆ ເພື່ອນຳມາຊຶ່ງຍຸກສັນຕິພາບຂອງແຫຼມເກົາຫຼີໂດຍປາດສະຈາກອາວຸດນິວເຄລຍ.
ໃນກອງປະຊຸມຂອງວັນຈັນມື້ນີ້ ທັງສອງປະເທດ ໄດ້ຕົກລົງ ທີ່ຈະເລີ້ມໂຄງການຮ່ວມເຮັດໃຫ້ທັນສະໄໝ ແລະເຊື່ອມຕໍ່ທາງລົດໄຟແລະຖະໜົນຫົນທາງຂອງພວກເຂົາເຈົ້າກ່ອນສິ້ນປີ. ຄະນະດັ່ງກ່າວ ຈະເລີ້ມກວດກາການເຊື່ອມຕໍ່ດ້ານຄົມມະນາຄົມໃນກາງເດືອນຕຸລານີ້ ໃນເສັ້ນ ກີອອນກຽວ (Gyeongeui) ແລະໃນຕົ້ນເດືອນພະຈິກ ໃນເສັ້ນທາງພາກຕາເວັນອອກ. ນອກນັ້ນ ພວກເຂົາເຈົ້າຍັງໄດ້ຕົກລົງທີ່ຈະປຶກສາຫາລືກັນກ່ຽວກັບ ເລື້ອງທີ່ພົວພັນກັບຄະນະສິນລະປິນທີ່ຈະໄປສະແດງໃນເກົາຫຼີໃຕ້ ໃຫ້ໄວເທົ່າທີ່ຈະໄວໄດ້. ຍິ່ງໄປກວ່ານັ້ນ ພວກເຂົາເຈົ້າ ໄດ້ຕົກລົງທີ່ຈະມີການເຈລະຈາເລື້ອງ ສະພາກາແດງໃນສະຖານຕາກອາກາດ ເມົ້າ ກຳກາງ ໃນເດືອນພະຈິກ ທີ່ພົວພັນກັບຄອບຄົວທັງຫຼາຍທີ່ໄດ້ພັດພາກຈາກກັນ ນັບຕັ້ງແຕ່ສົງຄາມເກົາຫຼີເປັນຕົ້ນມານັ້ນ.
ທ່ານ ຣີ ຊັນ ກວັນ ປະທານຂອງຄະນະກຳມະການທ້ອນໂຮມເພື່ອສັນຕິພາບຂອງເກົາຫຼີເໜືອ ໃນກອງປະຊຸມລະດັບສູງ ຄັ້ງທີ 5 ຂອງກອງປະຊຸມພາຍໃນເກົາຫຼີ ເພື່ອການປັບປຸງຂອງການປະກາດງານຮ່ວມ ຂອງພຽງຢາງ, 15 ຕຸລາ 2018.
ການເນັ້ນຢໍ້າຂອງທ່ານມູນໃນເລື້ອງລາງວັນດັ່ງກ່າວກໍຕາມ ແຕ່ ພວກນັກຊ່ຽວຊານກໍຍັງມີຄວາມລະມັດລະວັງຢູ່ ວ່າການປົດອາວຸດນິວເຄລຍນັ້ນ ມີແທ້ຈິງ ຫຼືບໍ່.
ຈາກ https://lao.voanews.com ວັນທີ 16.10.2018
--------------------------------------------------------------------------------------------------------------------------
ການສ້າງ ທາງລົດໄຟລາວ-ຈີນ ສຳເລັດ 40 ເປີເຊັນ ແຕ່ຍັງບໍ່ໄດ້ຈ່າຍ ຄ່າຊົດເຊີຍ ໃຫ້ເຈົ້າຂອງດິນ
ການກໍ່ສ້າງທາງລົດໄຟລາວ-ຈີນຄືບໜ້າແລ້ວ 40 ເປີເຊັນ ຂອງແຜນການ ຫາກແຕ່ລັດຖະບານລາວກັບປະຊາຊົນຍັງບໍ່ສາມາດຕົກລົງກັນກ່ຽວກັບ ຄ່າເວນຄືນທີ່ດິນ ທີ່ກະທົບຈາກໂຄງການໄດ້ທັງໝົດ.
ທ່ານບຸນທອງ ຈິດມະນີ ຮອງນາຍົກລັດຖະມົນຕີໄດ້ຖະແຫຼງໃນໂອກາດທີ່ເດີນທາງໄປກວດກາການກໍ່ສ້າງທາງລົດໄຟລາວ-ຈີນ ຮ່ວມກັບທ່ານຈ້າວເລີຈີ ປະທານຄະນະກວດກາລະບຽບວິໄນສູນກາງພັກຄອມມິວນິສຈີນ ທີ່ແຂວງຫຼວງພະບາງ ເມື່ອທ້າຍເດືອນກັນຍາທີ່ຜ່ານມານີ້ວ່າ ການກໍ່ສ້າງໄດ້ຄືບໜ້າໄປແລ້ວ 40 ເປີເຊັນ ຂອງແຜນການ ແລະການຈັດຕັ້ງປະຕິບັດ ຍັງໄດ້ດຳເນີນໄປຢ່າງຮຽບຮ້ອຍໃນທຸກໆດ້ານອີກດ້ວຍ ດັ່ງທີ່ທ່ານບຸນທອງ ໄດ້ໃຫ້ການຢືນຢັນວ່າ:
“ຜ່ານການຕິດຕາມການກໍ່ສ້າງຕົວຈິງ ເຫັນວ່າມີຄວາມຄືບໜ້າເປັນຢ່າງດີໃນການປະຕິບັດໄດ້ຕາມແຜນການທີ່ວາງໄວ້ ຄະນະຮັບຜິດຊອບຝ່າຍລາວໄດ້ປະສານສົມທົບກັບບໍລິສັດທາງລົດໄຟລາວ-ຈີນເປັນຢ່າງດີ ໃນການເຮັດໜ້າທີ່ຄຸ້ມຄອງໂຄງການສ້າງສິ່ງອຳນວຍຄວາມສະດວກໃຫ້ແກ່ໂຄງການ ແລະບັນດາສະຫາຍຈີນຍັງໄດ້ຮຽນຮູ້ວັດທະນາທຳລາວຫຼາຍຂຶ້ນ ແລະສ້າງໃຫ້ຄົນລາວຄົນຈີນຮັກແພງກັນ.”
ແຕ່ຢ່າງໃດກໍຕາມ ຄະນະໄກ່ເກ່ຍຂອງໂຄງການກໍ່ສ້າງທາງລົດໄຟລາວ-ຈີນຍັງຄົງສືບຕໍ່ການເຈລະຈາກັບບັນດາຫົວໜ່ວຍທຸລະກິດ ແລະປະຊາຊົນຜູ້ເປັນເຈົ້າຂອງທີ່ດິນແລະສິ່ງປູກສ້າງຕ່າງໆ ທີ່ຢູ່ໃນເຂດກໍ່ສ້າງທາງລົດໄຟ ເພື່ອຈະເຮັດຂໍ້ຕົກລົງຮ່ວມກັນກ່ຽວກັບອັດຕາຄ່າເວນຄືນໃຫ້ໄດ້ຢ່າງສົມບູນ ຊຶ່ງໃນປັດຈຸບັນນີ້ຍັງເຫຼືອ 242 ລາຍທີ່ຍັງບໍ່ສາມາດຕົກລົງກັນໄດ້.
ທາງດ້ານທ່ານປໍທອງ ໂງ່ນພະຈັນ ລັດຖະມົນຕີຊ່ວຍວ່າການກະຊວງໂຍທາທິການແລະຂົນສົ່ງຢືນຢັນວ່າ ຄະນະຄຸ້ມຄອງໂຄງການກໍ່ສ້າງທາງລົດໄຟລາວຈີນ ໄດ້ມອບທີ່ດິນໃຫ້ກັບບໍລິສັດຜູ້ຮັບເໝົາຈາກຈີນໄດ້ແລ້ວ 84 ເປີເຊັນ ຂອງພື້ນທີ່ທັງໝົດຈຶ່ງຍັງເຫຼືອພຽງ 16 ເປີເຊັນ ເທົ່ານັ້ນທີ່ຈະເຈລະຈາຕົກລົງກັບ ປະຊາຊົນ ແລະສົ່ງມອບທີ່ດິນໃຫ້ກັບບໍລິສັດຈີນຢ່າງຄົບຖ້ວນພາຍໃນທ້າຍປີ 2018 ນີ້.
ໂຄງການກໍ່ສ້າງທາງລົດໄຟລາວ-ຈີນ ຈະສົ່ງຜົນກະທົບຕໍ່ປະຊາຊົນລາວຈຳນວນ4,411 ຄອບຄົວໃນເຂດ 13 ເມືອງຂອງແຂວງຫຼວງນ້ຳທາ ອຸດົມໄຊ ຫຼວງພະບາງວຽງຈັນ ແລະນະຄອນຫຼວງວຽງຈັນ ໂດຍມີທີ່ດິນທີ່ຖືກກະທົບ 3,832 ເຮັກຕາ ສິ່ງປູກສ້າງ 3,346 ຫຼັງ ຕົ້ນໄມ້ຕ່າງໆ ແລະໄມ້ກິນໝາກຮວມກັນຫຼາຍກວ່າ 9 ແສນຕົ້ນ ໂດຍ
ການຊົດເຊີຍຄ່າທີ່ດິນສະເພາະໃນເຂດແຂວງຫຼວງນ້ຳທາ ອຸດົມໄຊ ແລະຫຼວງພະບາງໄດ້ແບ່ງເປັນດິນນາໃນໂຕເມືອງ ທີ່ຕິດຖະໜົນສາຍເອກ ຕິດທາງນ້ອຍ ແລະດິນນາທີ່ບໍ່ມີເສັ້ນທາງຈະໄດ້ຄ່າຊົດເຊີຍລະຫວ່າງ 11,000 ຫາ 80,000 ກີບຕໍ່ຕາແມັດ ສ່ວນທີ່ດິນທີ່ຢູ່ຊານເມືອງຕິດທາງຫຼວງແຫ່ງຊາດ ທາງຫຼວງແຂວງ ແລະດິນທີ່ບໍ່ມີເສັ້ນທາງ
ຈະໄດ້ຮັບຄ່າຊົດເຊີຍ 16,000 ຫາ 40,000 ກິບຕໍ່ຕາແມັດ ສ່ວນທີ່ດິນອື່ນໆໃນເຂດຊົນນະບົດຈະໄດ້ຮັບຄ່າຊົດເຊີຍລະຫວ່າງ 11,000 ຫາ 15,000 ກີບຕໍ່ຕາແມັດ.
ການຊົດເຊີຍຄ່າທີ່ດິນສະເພາະໃນເຂດແຂວງຫຼວງນ້ຳທາ ອຸດົມໄຊ ແລະຫຼວງພະບາງໄດ້ແບ່ງເປັນດິນນາໃນໂຕເມືອງ ທີ່ຕິດຖະໜົນສາຍເອກ ຕິດທາງນ້ອຍ ແລະດິນນາທີ່ບໍ່ມີເສັ້ນທາງຈະໄດ້ຄ່າຊົດເຊີຍລະຫວ່າງ 11,000 ຫາ 80,000 ກີບຕໍ່ຕາແມັດ ສ່ວນທີ່ດິນທີ່ຢູ່ຊານເມືອງຕິດທາງຫຼວງແຫ່ງຊາດ ທາງຫຼວງແຂວງ ແລະດິນທີ່ບໍ່ມີເສັ້ນທາງ
ຈະໄດ້ຮັບຄ່າຊົດເຊີຍ 16,000 ຫາ 40,000 ກິບຕໍ່ຕາແມັດ ສ່ວນທີ່ດິນອື່ນໆໃນເຂດຊົນນະບົດຈະໄດ້ຮັບຄ່າຊົດເຊີຍລະຫວ່າງ 11,000 ຫາ 15,000 ກີບຕໍ່ຕາແມັດ.
ສ່ວນໃນເຂດແຂວງວຽງຈັນ ແລະນະຄອນວຽງຈັນນັ້ນ ດິນນາໃນຕົວເມືອງທີ່ຕິດຖະໜົນສາຍເອກ ຕິດທາງນ້ອຍ ແລະດິນບໍ່ມີເສັ້ນທາງຈະໄດ້ຄ່າຊົດເຊີຍລະຫວ່າງ20,000 ຫາ 30,000 ກີບຕໍ່ຕາແມັດ ດິນຢູ່ຊານເມືອງຕິດທາງຫຼວງແຫ່ງຊາດ ທາງຫຼວງແຂວງ ແລະດິນບໍ່ມີເສັ້ນທາງກໍຈະໄດ້ຄ່າຊົດເຊີຍລະຫວ່າງ 15,000 ຫາ 25,000ກີບຕໍ່ຕາແມດ ດິນໃນເຂດໂຕເມືອງໄຊທານີ ຈະໄດ້ຄ່າຊົດເຊີຍ 55,000 ຫາ 107,000ກີບຕໍ່ຕາແມັດ ດິນໃນເຂດເມືອງໄຊທານີ ຈະໄດ້ຄ່າຊົດເຊີຍ 55,000 ຫາ 107,000ກີບຕໍ່ຕາແມັດ ແລະ 50,000 ຫາ 137,000 ກີບຕໍ່ຕາແມັດ ສຳລັບທີ່ນາຢູ່ເມືອງນາ
ຊາຍທອງ.
ຊາຍທອງ.
ທາງດ້ານກຸ່ມແລກປ່ຽນຂໍ້ມູນດ້ານທີ່ດິນ ຫຼື Land Information Working Groupຊຶ່ງເປັນອົງການທີ່ບໍ່ຂຶ້ນກັບລັດຖະບານໃນລາວ ລາຍງານວ່າການກຳນົດອັດຕາຄ່າຊົດເຊີຍທີ່ດິນ ແລະສິ່ງປຸກສ້າງໃຫ້ກັບປະຊາຊົນທີ່ຖືກກະທົບຈາກໂຄງການທາງລົດໄຟລາວ-ຈີນນັ້ນເປັນການປະເມີນລາຄາທີ່ຕ່ຳກວ່າຄວາມເປັນຈິງ ເຊັ່ນທີ່ດິນຢູ່ເຂດເມືອງນາຊາຍທອງ ມີລາຄາສະເລ່ຍສູງເຖິງ 1.3 ລ້ານກີບຕໍ່ຕາແມັດ ຊຶ່ງສູງກວ່າອັດຕາຄ່າຊົດເຊີຍໃນໂຄງການທາງລົດໄຟລາວ-ຈີນ ເຖິງ 10 ເທົ່າໂຕ.
ໂຄງການທາງລົດໄຟລາວ-ຈີນ ມີກຳນົດກໍ່ສ້າງແລ້ວເສັດໃນປີ 2021 ເປັນການຮ່ວມທຶນໃນມູນຄ່າ 6,000 ລ້ານໂດລາສະຫະລັດ ລະຫວ່າງລັດຖະບານລາວກັບຈີນ ໃນສັດສ່ວນ 30 ເປີເຊັນ ຕໍ່ 70 ເປີນເຊັນ ຕາມລໍາດັບ.
ຈາກ https://lao.voanews.com ວັນທີ 13.10.2018
--------------------------------------------------------------------------
ລາວຕ້ອງການ ການຊ່ວຍເຫຼືອ ຈາກນາໆຊາດ ໃນດ້ານຢາວັກຊີນ ສຳລັບ ຜູ້ປະສົບໄພນ້ຳຖ້ວມ
ທາງການລາວຕ້ອງການຄວາມຊ່ວຍເຫຼືອ ຈາກນານາຊາດ ໃນດ້ານຢາວັກຊີນ ເພື່ອປ້ອງກັນໂຣກ ສຳລັບເດັກນ້ອຍ ແລະຜູ້ໃຫຍ່ ທີ່ປະສົບໄພນ້ຳຖ້ວມຄັ້ງໃຫຍ່ ຈາກເຫດເຂື່ອນໄຟຟ້າແຕກ ທີ່ເມືອງສະໜາມໄຊ.
ເຈົ້າໜ້າທີ່ຂອງ ອົງການ UNICEF ປະຈຳ ສປປ ລາວ ໃຫ້ການຢືນຢັນວ່າ ບັນຫາກ່ຽວກັບ ສຸຂະພາບຂອງບັນດາຜູ້ປະສົບໄພນ້ຳຖ້ວມ ຈາກເຫດເຂື່ອນໄຟຟ້າເຊປຽນ-ເຊນ້ຳນ້ອຍ ແຕກທີີ່ເມືອງສະໜາມໄຊ ແຂວງອັດຕະປື ທີ່ກວດພົບຫຼາຍທີ່ສຸດໃນປັດຈຸບັນ ຄື ພະຍາດກ່ຽວກັບ ລະບົບການຫາຍໃຈ ແລະພະຍາດຖອກທ້ອງ ຊຶ່ງເກີດຈາກຫຼາສາເຫດ ທັງຈາກສະພາບການເປັນຢູ່ ທີ່ບໍ່ປົກກະຕິ ສະພາບອາກາດທີ່ຜັນຜວນ ແລະສະພາບການກິນດື່ມ ທີ່ບໍ່ຖືກຫລັກອະນາໄມ ແລະອື່ນໆ ດັ່ງທີ່ເຈົ້າໜ້າທີ່UNICEF ຊຶ່ງປະຕິບັດໜ້າທີ່ໃຫ້ການຊ່ວຍເຫຼືອຜູ້ປະສົບໄພນ້ຳຖ້ວມ ຢູ່ເຂດເມືອງ
ສະໜາມໄຊ ໄດ້ໃຫ້ການຢືນຢັນວ່າ:
ສະໜາມໄຊ ໄດ້ໃຫ້ການຢືນຢັນວ່າ:
“ສະພາບການເຈັບເປັນຂອງພໍ່ແມ່ພີ່ນ້ອງປະຊາຊົນ ທີ່ຖືກໄພພິບັດໃນທົ່ວໄປນີ້ ສ່ວນໃຫຍ່ຈະພົບເຫັນມີບັນຫາກ່ຽວກັບລະບົບຫາຍໃຈ ຕໍ່ມາລະແມ່ນພະຍາດຖອກທ້ອງ ຊຶ່ງວ່າອາດຈະເກີດມາຈາກ ຫຼາຍສາເຫດ ຫຼາຍສິ່ງຫຼາຍຢ່າງ.”
ທາງດ້ານທ່ານນາງເພັດ ສີດອນ ຄະນະອຳນວຍການໂຮງໝໍ ເມືອງສະໜາມໄຊ ຢືນຢັນວ່າ ໃນແຕ່ລະວັນ ຈະມີຜູ້ປະສົບໄພເຂົ້າຮັບການກວດສຸຂະພາບ ແລະຮັກສາປິ່ນປົວອາການເຈັບປ່ວຍຫຼາຍກວ່າ 100 ລາຍ ຊຶ່ງສ່ວນໃຫຍ່ ກໍມີບັນຫາພະຍາດ ກ່ຽວກັບລະບົບການຫາຍໃຈ ແລະພະຍາດຖອກທ້ອງ ທັງໃນເດັກນ້ອຍ ແລະຜູ້ໃຫຍ່ ແລະພ້ອມກັນນີ້ ຈາກການກວດສຸຂະພາບຜູ້ປະສົບໄພ 700 ກວ່າຄົນ ກໍຍັງພົບດ້ວຍວ່າ ມີເຖິງ 79 ຄົນ ທີ່ເປັນພະຍາດວັນນະໂຣກ ໂດຍທັງໝົດນີ້ ເປັນພະຍາດດັ່ງກ່າວ ກ່ອນທີ່ຈະເກີດໄພນ້ຳຖ້ວມຄັ້ງໃຫຍ່ອີກດ້ວຍ.
ສ່ວນ ທ່ານນາງຄູນເພັດ ມົງຄົນຄຳ ນັກໂພຊະນາການ ສຳລັບເດັກນ້ອຍຂອງ ອົງການ
ສະຫະປະຊາຊາດ ປະຈຳ ສປປ ລາວ ໃຫ້ການຢືນຢັນວ່າ ບັນຫາສຸຂະພາບອະນາໄມ
ຂອງເດັກທີ່ກວດພົບຫຼາຍທີ່ສຸດຢູ່ສູນພັກອາໄສຊົ່ວຄາວ ເທດສະບານເມືອງສະໜາມໄຊ ຄືບັນຫາການຂາດສານອາຫານຢ່າງຮຸນແຮງ ຂອງເດັກອາຍຸຕັ້ງແຕ່ 6 ເດືອນ ຫາ 1 ປີ ຊຶ່ງຈາກການກວດສຸຂະພາບເດັກນ້ອຍ 500 ກວ່າຄົນ ທີ່ສູນພັກອາໄສຊົ່ວຄາວດັ່ງກ່າວ
ນີ້ ພົບວ່າ ມີເດັກນ້ອຍຈຳນວນເຖິງ 275 ຄົນ ທີ່ຂາດສານອາຫານຢ່າງຮຸນແຮງ.
ສະຫະປະຊາຊາດ ປະຈຳ ສປປ ລາວ ໃຫ້ການຢືນຢັນວ່າ ບັນຫາສຸຂະພາບອະນາໄມ
ຂອງເດັກທີ່ກວດພົບຫຼາຍທີ່ສຸດຢູ່ສູນພັກອາໄສຊົ່ວຄາວ ເທດສະບານເມືອງສະໜາມໄຊ ຄືບັນຫາການຂາດສານອາຫານຢ່າງຮຸນແຮງ ຂອງເດັກອາຍຸຕັ້ງແຕ່ 6 ເດືອນ ຫາ 1 ປີ ຊຶ່ງຈາກການກວດສຸຂະພາບເດັກນ້ອຍ 500 ກວ່າຄົນ ທີ່ສູນພັກອາໄສຊົ່ວຄາວດັ່ງກ່າວ
ນີ້ ພົບວ່າ ມີເດັກນ້ອຍຈຳນວນເຖິງ 275 ຄົນ ທີ່ຂາດສານອາຫານຢ່າງຮຸນແຮງ.
ພາຍໃຕ້ສະພາບການດັ່ງກ່າວນີ້ ຍັງເຮັດໃຫ້ຕ້ອງດຳເນີນມາດຕະການ ປ້ອງກັນການຕິດເຊື້ອໂຣກຕ່າງໆ ໃນບັນດາຜູ້ປະສົບໄພໃຫ້ໄດ້ ໃນໄລຍະຍາວອີກດ້ວຍ ຫາກແຕ່ວ່າ ດ້ວຍບັນຫາຂາດແຄນງົບປະມານຂອງລັດຖະບານລາວ ຈຶ່ງເຮັດໃຫ້ຕ້ອງຂໍການຊ່ວຍເຫຼືອຈາກຕ່າງປະເທດເປັນຫລັກ ຊຶ່ງລວມເຖິງວັກຊີນປ້ອງກັນ ພະຍາດຕິດຕໍ່ດ້ວຍນັ້ນ ດັ່ງທີ່ທ່ານບຸນກອງ ສີຫາວົງ ລັດຖະມົນຕີວ່າການ ກະຊວງສາທາລະນະສຸກຢືນຢັນວ່າ:
“ອັນທີ່ເປັນຫ່ວງຕໍ່ໄປນີ້ ເລື້ອງຄວບຄຸມພະຍາດຕິດຕໍ່ ແລະພວກເຮົາໄດ້ຂໍ
ການຊ່ວຍເຫຼືອ ຈາກທາງເກົາຫຼີ ຈາກອົງການອະນາໄມໂລກ ຈາກ UNDP
ແລະຈາກ UNICEF ເພື່ອໃຫ້ໄດ້ມີວັກຊີນກັນພະຍາດຖອກທ້ອງຮຸນແຮງ
ແລະກັນພະຍາດທີ່ສາມາດເກີດຂຶ້ນ ໂດຍສະເພາະຢູ່ແຂວງອັດຕະປືນີ້
ແມ່ນໄທຟອຍດ໌ ໄຂ້ທໍລະພິດ ນອກຈາກນັ້ນ ພວກເຮົາກະຕຽມຢາປິ່ນປົວ
Leptospirosis ອີກອັນນຶ່ງ ລະແມ່ນເລື້ອງໄຂ້ຍຸງ ທັງມາລາເຣຍ ທັງໄຂ້
ເລືອດອອກ ອັນນີ້ພວກເຮົາຕ້ອງໄດ້ເອົາໃຈໃສ່.”
ທັງນີ້ ເມືອງສະໜາມໄຊ ທີ່ໄດ້ຮັບຜົນກະທົບຈາກໄພນ້ຳຖ້ວມ ທີ່ເກີດຈາກເຂື່ອນເຊປຽນ- ເຊນ້ຳນ້ອຍ ແຕກ ຖືເປັນເມືອງທຸກຍາກທີ່ສຸດ ຂອງແຂວງອັດຕະປື ໂດຍມີ40 ບ້ານ 6,771 ຄອບຄົວ ມີພົນລະເມືອງທັງໝົດ 36,000 ກວ່າຄົນ ໃນນີ້ມີບ້ານທີ່ຖືກກະທົບຈາກໄພນ້ຳຖ້ວມ 13 ບ້ານ 2,717 ຄອບຄົວ ຫຼື 13,067 ຄົນ ໂດຍທີ່ໄດ້ຮັບຜົນ
ກະທົບ ທັງ 100 ເປີເຊັນນັ້ນ ມີ 6 ບ້ານ ກໍຄື ບ້ານຫີນລາດ ບ້ານສະໝອງໃຕ້ ບ້ານທ່າຫີນ ບ້ານໃໝ່ ບ້ານທ່າແສງຈັນ ແລະບ້ານໃຫຍ່ແທ ທີ່ມີປະຊາກອນລວມກັນ1,611 ຄອບຄົວ 7,095 ຄົນ ຊຶ່ງໄດ້ຖືກຍົກຍ້າຍມາຢູ່ເຂດປອດໄພ 6 ຈຸດ ຄື ເທດສະບານ ເມືອງສະໜາມໄຊ ບ້ານຕໍມໍຍອດ ບ້ານດອນບົກ ບ້ານປີນດົງ ບ້ານຄອນທົດແລະໂຮງຮຽນມັດທະຍົມສົມບູນຈັນທາ.
ກະທົບ ທັງ 100 ເປີເຊັນນັ້ນ ມີ 6 ບ້ານ ກໍຄື ບ້ານຫີນລາດ ບ້ານສະໝອງໃຕ້ ບ້ານທ່າຫີນ ບ້ານໃໝ່ ບ້ານທ່າແສງຈັນ ແລະບ້ານໃຫຍ່ແທ ທີ່ມີປະຊາກອນລວມກັນ1,611 ຄອບຄົວ 7,095 ຄົນ ຊຶ່ງໄດ້ຖືກຍົກຍ້າຍມາຢູ່ເຂດປອດໄພ 6 ຈຸດ ຄື ເທດສະບານ ເມືອງສະໜາມໄຊ ບ້ານຕໍມໍຍອດ ບ້ານດອນບົກ ບ້ານປີນດົງ ບ້ານຄອນທົດແລະໂຮງຮຽນມັດທະຍົມສົມບູນຈັນທາ.
ສ່ວນກ່ຽວກັບການກໍ່ສ້າງທີ່ພັກອາໄສຊົ່ວຄາວ ແລະການຈັດສັນທີ່ຢູ່ອາໄສຖາວອນ
ໃຫ້ຜູ້ປະສົບໄພນັ້ນ ທ່າງການແຂວງອັດຕະປື ໄດ້ເລືອກເອົາບ້ານໜອງບົກ ບ້ານ
ຕໍມໍຍອດ ແລະບ້ານດົງບາກ ເປັນເຂດປຸກສ້າງທີ່ພັກອາໄຊົ່ວຄາວໃນເນື້ອທີ່ 20.6
ເຮັກຕາ ຊຶ່ງການດຳເນີນງານໄດ້ຄືນໜ້າແລ້ວເກີນກວ່າ 80 ເປີເຊັນ ສ່ວນການປຸກ
ສ້າງທີ່ຢູ່ອາໄສຖາວອນເທິງເນື້ອທີ່ 135 ເຮັກຕານັ້ນ ກໍຈະຈັດສັນ ແລະສ້າງເຮືອນທີ່ມີຂະໜາດກວ້າງ 20 ແມັດ ຍາວ 40 ແມັດ ໃຫ້ແຕ່ລະຄອບຄົວ ຊຶ່ງໃນທ້າຍເດືອນ
ກັນຍາ ທີ່ຜ່ານມາ ກໍໄດ້ຍ້າຍຜູ້ປະສົບໄພເຂົ້າໄປຢູ່ອາໄສແລ້ວ 140 ຄອບຄົວ ທີ່
ໂຮງຮຽນ ບ້ານຫາດຍາວ ສ່ວນທີ່ເຫຼືອນັ້ນ ຈະກໍ່ສ້າງແລ້ວເສັດ ແລະຍ້າຍຜູ້ປະສົບໄພເຂົ້າໄປຢູ່ອາໄສ ໄດ້ທັງໝົດພາຍໃນເດືອນຕຸລາ 2018 ນີ້.
ຈາກ:
lao.voanews.com
ວັນທີ 10.10.2018
ວັນທີ 10.10.2018
--------------------------------------------------------------------------------------------------------------------------
ສະພາວະການຂາດດຸນ ການຄ້າຂອງ ລາວ ຕໍ່ ໄທ ມີທ່າອ່ຽງຫຼຸດລົງ ຢ່າງຕໍ່ເນື່ອງ
ສະພາວະການຂາດດຸນການຄ້າຂອງ ລາວ ຕໍ່ ໄທ ມີທ່າອຽງຫຼຸດລົງຢ່າງຕໍ່ເນື່ອງ ໃນຂະນະທີ່ການສົ່ງກະແສໄຟຟ້າຂອງ ລາວ ໄປ ໄທ ຍັງສືບຕໍ່ເພີ່ມຂຶ້ນໃນປີ 2018 ນີ້ ແຕ່ຄາດວ່າຈະຫຼຸດລົງໃນປີ 2019.
ກະຊວງການຄ້າຂອງ ໄທ ລາຍງານວ່າ ການຄ້າລະຫວ່າງ ໄທ ກັບ ລາວ ໃນຊ່ວງເດືອນມັງກອນ-ສິງຫາ 2018 ນີ້ມີມູນຄ່າລວມ 144,223.46 ລ້ານບາດ ຫຼື 4,376ລ້ານໂດລາ ໂດຍເພີ່ມຂຶ້ນຈາກໄລຍະດຽວໃນປີ 2017 ຄິດເປັນອັດຕາສະເລ່ຍ 5.71ເປີເຊັນ ໃນນີ້ກໍເປັນການນຳສິນຄ້າ ໄທ ເຂົ້າມາ ລາວ 89,838.83 ລ້ານບາດ ແລະລາວ ສົ່ງສິນຄ້າໄປ ໄທ 54,384.63 ລ້ານບາດ ຊຶ່ງເຮັດໃຫ້ ລາວ ຂາດດຸນການຄ້າຕໍ່ ໄທ ໃນມູນຄ່າລວມເຖິງ 35,454.2 ລ້ານບາດ ແຕ່ກໍຖືເປັນສະພາວະການຂາດດຸນການຄ້າທີ່ຫຼຸດລົງເຖິງ 9.68 ເປີເຊັນ ທຽບໃສ່ໄລຍະດຽວກັນໃນປີ 2017 ທີ່ຜ່ານມາ.
ທັງນີ້ໂດຍສິນຄ້າທີ່ ລາວ ນຳເຂົ້າຈາກ ໄທ ຫຼາຍທີ່ສຸດກໍຄືສິນຄ້າອຸບປະໂພກບໍລິໂພກ,ນ້ຳມັນເຊື້ອໄຟ ແລະ ສິນຄ້າກະສິກຳແປຮູບຕາມລຳດັບ ໂດຍສະເພາະແມ່ນສິນຄ້າອຸບປະໂພກບໍລິໂພກນັ້ນຖືເປັນພາກສ່ວນທີ່ເຮັດໃຫ້ ລາວ ຕ້ອງຂາດດຸນການຄ້າຕໍ່ ໄທຫຼາຍທີ່ສຸດ ເພາະການຜະລິດສິນຄ້າໃນ ລາວ ຍັງບໍ່ທັນພຽງພໍກັບຄວາມຕ້ອງການທີ່
ເປັນຈິງ ທັງຍັງມີຄຸນນະພາບຕ່ຳ ແຕ່ກັບມີລາຄາສູງກວ່າສິນຄ້າ ໄທ ດ້ວຍ ຈຶ່ງເຮັດໃຫ້ຄົນ ລາວ ພາກັນນິຍົມໃຊ້ສິນຄ້າ ໄທ ຫຼາຍກວ່າສິນຄ້າ ລາວ ດັ່ງທີ່ຜູ້ບໍລິໂພກລາຍນຶ່ງທີ່ໄດ້ເດີນທາງໄປຊື້ສິນຄ້າທີ່ໜອງຄາຍ ແລະ ອຸດອນທານີເປັນປະຈຳທຸກສັບປະດາໄດ້ໃຫ້ການຢືນຢັນວ່າ "ເພາະວ່າມັນມີສິນຄ້າຫຼາກຫຼາຍຢ່າງເນາະທີ່ປະເທດ ໄທ ຄື
ແບບມັນມີສິນຄ້າປະເພດທີ່ຢູ່ບ້ານເຮົາກະອາດຈະຊອກຊື້ບໍ່ໄດ້ ກະເລີຍໄປຊອກຊື້ຢູ່ພຸ້ນມັນມີຄົບຫຼາຍຢ່າງຫຼາຍກວ່າ ຄົນ ລາວ ກະໄປພຸ້ນ ແລ້ວກະມັນມີຫຼາຍສິ່ງຫຼາຍຢ່າງທີ່ເຮົາຢາກໄດ້ ແລະ ມັນກາຍເປັນຄວາມລຶ້ງເຄີຍ ເລື່ອງລາຄາເບາະ ເພາະວ່າບາງຢ່າງເນາະ ຢູ່ບ້ານເຮົາມັນກໍຈະສູງກວ່າຢູ່ ໄທ."
ເປັນຈິງ ທັງຍັງມີຄຸນນະພາບຕ່ຳ ແຕ່ກັບມີລາຄາສູງກວ່າສິນຄ້າ ໄທ ດ້ວຍ ຈຶ່ງເຮັດໃຫ້ຄົນ ລາວ ພາກັນນິຍົມໃຊ້ສິນຄ້າ ໄທ ຫຼາຍກວ່າສິນຄ້າ ລາວ ດັ່ງທີ່ຜູ້ບໍລິໂພກລາຍນຶ່ງທີ່ໄດ້ເດີນທາງໄປຊື້ສິນຄ້າທີ່ໜອງຄາຍ ແລະ ອຸດອນທານີເປັນປະຈຳທຸກສັບປະດາໄດ້ໃຫ້ການຢືນຢັນວ່າ "ເພາະວ່າມັນມີສິນຄ້າຫຼາກຫຼາຍຢ່າງເນາະທີ່ປະເທດ ໄທ ຄື
ແບບມັນມີສິນຄ້າປະເພດທີ່ຢູ່ບ້ານເຮົາກະອາດຈະຊອກຊື້ບໍ່ໄດ້ ກະເລີຍໄປຊອກຊື້ຢູ່ພຸ້ນມັນມີຄົບຫຼາຍຢ່າງຫຼາຍກວ່າ ຄົນ ລາວ ກະໄປພຸ້ນ ແລ້ວກະມັນມີຫຼາຍສິ່ງຫຼາຍຢ່າງທີ່ເຮົາຢາກໄດ້ ແລະ ມັນກາຍເປັນຄວາມລຶ້ງເຄີຍ ເລື່ອງລາຄາເບາະ ເພາະວ່າບາງຢ່າງເນາະ ຢູ່ບ້ານເຮົາມັນກໍຈະສູງກວ່າຢູ່ ໄທ."
ທາງດ້ານ ທ່ານ ສຸລິນທອນ ເລືອງຄຳສິງ ນັກວິຊາການອາວຸໂສດ້ານເສດຖະກິດຂອງທະນາຄານພັດທະນາ ເອເຊຍ (ADB) ສຳນັກງານປະຈຳ ສປປ ລາວ ຢືນຢັນວ່າ ການຂາດດຸນການຄ້າຕ່າງປະເທດຂອງ ລາວ ບໍ່ພຽງແຕ່ຈະເຮັດໃຫ້ເກີດບັນຫາການຕົກຕ່ຳລົງຂອງຄ່າເງິນກີບ ແລະ ອັດຕາເງິນເຟີ້ທີ່ປັບຕົວສູງຂຶ້ນເທົ່ານັ້ນ ແຕ່ກໍຍັງໄດ້ສົ່ງຜົນກະ
ທົບເຖິງທຶນສຳຮອງເງິນຕາຕ່າງປະເທດຂອງ ລາວ ທີ່ມີທ່າອຽງຫຼຸດລົງຢ່າງຕໍ່ເນື່ອງອີກດ້ວຍ ເພາະວ່າການຂາດດຸນການຄ້າຕ່າງປະເທດ ເຮັດໃຫ້ ລາວ ຕ້ອງໃຊ້ເງິນຕາຕ່າງປະເທດຈຳນວນຫຼາຍເພື່ອຊຳລະສິນຄ້າທີ່ນຳເຂົ້າຈາກຕ່າງປະເທດນັ້ນເອງ.
ທົບເຖິງທຶນສຳຮອງເງິນຕາຕ່າງປະເທດຂອງ ລາວ ທີ່ມີທ່າອຽງຫຼຸດລົງຢ່າງຕໍ່ເນື່ອງອີກດ້ວຍ ເພາະວ່າການຂາດດຸນການຄ້າຕ່າງປະເທດ ເຮັດໃຫ້ ລາວ ຕ້ອງໃຊ້ເງິນຕາຕ່າງປະເທດຈຳນວນຫຼາຍເພື່ອຊຳລະສິນຄ້າທີ່ນຳເຂົ້າຈາກຕ່າງປະເທດນັ້ນເອງ.
ແຕ່ຢ່າງໃດກໍຕາມ ດ້ວຍການສົ່ງອອກກະແສໄຟຟ້າຂອງ ລາວ ໃນປີ 2018 ທີ່ຄາດວ່າຈະເພີ່ມຂຶ້ນເຖິງ 8 ເປີເຊັນທຽບໃສ່ປີ 2017 ກໍຈະມີສ່ວນຢ່າງສຳຄັນໃນການຫຼຸດຜ່ອນການຂາດດຸນການຄ້າຕ່າງປະເທດຂອງ ລາວ ໃຫ້ເບົາບາງລົງໄດ້ໃນປີນີ້ ແຕ່ວ່າດ້ວຍເຫດເຂື່ອນເຊປຽນ-ເຊນ້ຳນ້ອຍແຕກ ທີ່ເຮັດໃຫ້ລັດຖະບານ ລາວ ຕ້ອງດຳເນີນການ
ກວດກາເຂື່ອນທີ່ກຳລັງກໍ່ສ້າງໃນທົ່ວປະເທດນັ້ນຍ່ອມຈະກະທົບຕໍ່ການສົ່ງອອກກະແສໄຟຟ້າຂອງ ລາວ ໃນປີ 2019 ຢ່າງຫຼີກລ່ຽງບໍ່ໄດ້ດັ່ງທີ່ທ່ານ ສຸລິນທອນ ຢືນຢັນວ່າ
ກວດກາເຂື່ອນທີ່ກຳລັງກໍ່ສ້າງໃນທົ່ວປະເທດນັ້ນຍ່ອມຈະກະທົບຕໍ່ການສົ່ງອອກກະແສໄຟຟ້າຂອງ ລາວ ໃນປີ 2019 ຢ່າງຫຼີກລ່ຽງບໍ່ໄດ້ດັ່ງທີ່ທ່ານ ສຸລິນທອນ ຢືນຢັນວ່າ
"ການກໍ່ສ້າງບັນດາເຂື່ອນໄຟຟ້າຕ່າງໆສຳລັບປີ 2018 ກໍຍັງເປັນໄປຕາມແຜນ ເຖິງວ່າລັດຖະບານຈະມີການຍຸຕິເພື່ອທົບທວນເບິ່ງຄຸນະພາບ ຫຼືວ່າຄວາມສາມາດຕົວຈິງຂອງບັນດາເຂື່ອນ ອັນນີ້ອາດຈະບໍ່ແມ່ນເກີດຂຶ້ນພາຍໃນ 2018 ມາດຕະການນັ້ນອາດຈະເລີ່ມເຂົ້າມາມີຜົນກະທົບປີ 2019."
ກ່ອນໜ້ານີ້ ທ່ານ ສົມດີ ດວງດີ ຮອງນາຍົກລັດຖະມົນຕີ ແລະ ລັດຖະມົນຕີວ່າກະຊວງການເງິນໄດ້ຍອມຮັບວ່າ ທຶນສຳຮອງເງິນຕາຕ່າງປະເທດຂອງ ລາວ ມີມູນຄ່າຫຼຸດໜ້ອຍລົງນັບຈາກທ້າຍປີ 2016 ເປັນຕົ້ນມາ ໂດຍຫຼຸດລົງຈາກມູນຄ່າທີ່ທຽບເທົ່າກັບການນຳເຂົ້າສິນຄ້າຕ່າງປະເທດໄດ້ 5.3 ເດືອນເມື່ອທ້າຍປີ 2016 ລົງມາເປັນ 4.3 ເດືອນໃນ
ທ້າຍເດືອນເມສາ 2018 ແລະ ບໍ່ເຖິງ 3 ເດືອນໃນປັດຈຸບັນ.
ທ້າຍເດືອນເມສາ 2018 ແລະ ບໍ່ເຖິງ 3 ເດືອນໃນປັດຈຸບັນ.
ທັງນີ້ ລັດຖະບານ ລາວ ກໍໄດ້ວາງແຜນການທີ່ຈະສົ່ງສິນຄ້າອອກໃຫ້ໄດ້ 5,015 ລ້ານໂດລາ ແລະ ຄຸມການນຳເຂົ້າສິນຄ້າໃຫ້ບໍ່ເກີນ 4,978 ລ້ານໂດລາໃນຕະຫຼອດປີ 2018ນີ້ ຫາກແຕ່ກໍຄົງຈະເປັນຈິງໄດ້ຍາກຢ່າງຍິ່ງ.
ຈາກ:
lao.voanews.com
ວັນທີ 10.10.2018
ไม่มีความคิดเห็น:
แสดงความคิดเห็น